A detección e posterior análise dos ultrasóns que emiten os morcegos permite identificar a moitas das especies galegas, contribuíndo a mellorar o noso coñecemento sobre como se distribúen os morcegos polo territorio. Nos últimos anos popularizouse o uso de detectores de ultrasóns debido á aparición de aparellos máis baratos e sinxelos de usar. A colaboración de voluntarios de toda Galicia permítenos obter un gran volume de datos moi valiosos para completar o atlas de morcegos de Galicia, que é de acceso libre e xa é unha referencia para os traballos realizados no noso territorio.
Como voluntario, podes escoller o teu nivel de implicación no proxecto, dende instalar/recoller detectores prestados e enviarnos os datos obtidos para que nos os analicemos ata usar o teu propio detector e incluso facer a análise dos datos.
Cada ano anunciamos nas nosas rrss cales son as zonas de traballo e realizamos obradoiros para formar voluntarios.
Se queres participar no noso proxecto de ciencia cidadá, escribe a info@morcegosdegalicia.org
Este proxecto está a ser financiado parcialmente pola Deputación da Coruña con acordo ás Axudas a entidades sen fins de lucro para o cofinanciamento de proxectos de actividades e investimentos no ámbito do medio ambiente.
Coa colaboración de